गजल

कहिले दिनको घाम बन्यौ कहिले रातको जुन बन्यौ
अरुले जे भनेनी मेरो लागि सुन बन्यौ

पिरव्यथा बेदनाले डसीएर घाइते हुँदा
सारा व्यथा बिर्स्याइ दिने संगीतको त्यो धुन बन्यौ

रित्तो सडक जस्तै जीवन साँच्चै अलिनो नै थियो
तिम्ले न्यानो साथ दिइ तरकारीमा नुन बन्यौ

तिमी बिना एकपल पनि बाँच्न अव सक्दिन म
मेरो नशा नशामा बग्ने तिमी तातो खुन बन्यौ

कहिले दिनको घाम बन्यौ कहिले रातको जुन बन्यौ
अरुले जे भनेनी मेरो लागि तिमी सुन बन्यौ ॥

इखालु रमेश गेलाल
खोटाङ बजार-१ खोटाङ ।