मेरो मृत्यु

आज राती सपनामा
मेरो जीवनको
मृत्यु भएको
म देख्दै छु ।

न कात्रो छ
लाश छोप्न
न कोहि छ वरिपरि
कस्तो वेवारिसे मृत्यु
लाग्यो यो एउटा
अभावको मृत्यु हो
न कि
मेरो शरिरको ।

म आफनो मृत्यु
आफै महसुस गदैछु
कस्तो विडम्बना
आफनो जीवनको
मृत्यु महसुस गर्नु ।

म बांच्दा सम्म
सबै संगै थिए
खुशीका पलपलमा
तर
पीडामा मेरो मृत्युको
रुने पनि कोहि रहेनछ ।

त्यसैले मेरो मृत्यु
मेरो सपनामा
वेवारिसे बनेको छ
अभावयुक्त बनेको छ ।