आज सिंहदरबारस्थित प्रधानमन्त्री तथा मन्त्रिपरिषदको कार्यालयमा बसेको मन्त्रिपरिषदको बैठकले हिमाल मिडियाका साथै पत्रकारमाथि आक्रमण गर्नेलाई कानुनी कारबाही गर्न निर्देशन दिएको सरकारका प्रवक्ता समेत रहेका सञ्चरमन्त्री कृष्णबहादुर महराले सञ्चारकर्मीहरुलाई जानकारी दिए ।
हिमाल मिडियामाथि भएको आक्रमणका विषयमा छानविन गर्न बैठकले सूचना तथा सञ्चार मन्त्री महरालाई जिम्मा दिएको छ । आजै मन्त्री महराले नेपाल पत्रकार महासंघका पदाधिकारीसंग छलफल गर्ने तय भएको छ । महराले अब समस्या समाधान हुने र दोषीमाथि प्रशासनिक र सांगठनिक कारबाही हुने बताए ।
गृहमन्त्री वामदेव गौतमले हिमालले आक्रमण गर्नेहरुको किटानी जाहेरी दिएलगत्तै कारबाही शुरु गरिने पत्रकारहरुलाई बताए । प्रेसमाथि आक्रमण गर्नेलाई सरकारले कानुनी कारबाही गर्ने उनको भनाई थियो ।
पत्रकारहरुको जुलुसमाथि माइतीघरमा प्रहरी हस्तक्षेपमा पत्रकारहरु घाइते भएकोमा गौतमले दुःख व्यक्त गरे । उनले विरोध प्रदर्शन गर्दा संयमित बन्न पनि पत्रकारहरुलाई आग्रह गरे ।
source : http://www.janapukar.com/
Subscribe to:
Post Comments (Atom)
No comments:
Post a Comment